Естрадните уметници реагираат на предлог-протоколот на угостителите кои бараат на свадбите да нема жива музика и да не се игра оро.
Горан Стојановски од Здружението на естрадни уметници изрази незадоволство од ваквиот предлог и прашува зошто пејачите да не може да пеат со визири, а музиката да не биде на растојание од пет метри и да има пексиглас.
„Музичарите ги поддржаа угостителите, а тие сега се однесуваат како да не постоиме. Има повеќе опции и ние пративме писмо за средба со Комисијата за заразни болести и тие опции ќе им ги објасниме. Свадбите не се само ора и чочеци,“ рече Стојановски.
Асоцијацијата на ивент индустријата, односно компаниите кои се занимаваат со организација на концерти, ивенти и музички настани неодамна протестираше пред Владата, бидејќи една година тие се индустрија која трпи најмногу загуби.
„За жал изведувачките уметности, музиката и јавните настани се вториот најголем губитник од Ковид
пандемијата во Европа и светот, според последното истражување на европската агенција EY
Consulting, веднаш зад авио транспортот и според истражувањата.
Закрепнувањето на оваа важна општествена гранка мора да биде сериозно поддржано и помогнато од локалните влади,“ соопштија од Асоцијацијата.
ПОВРЗАНИ ВЕСТИ
Новата реалност: Свадби без оро и жива музика и ограничен број на гости