„Македонскиот народ“ да се замени со „граѓани“: Што ќе бара Села од Заев

Подршка за финалното гласање за уставните измени, предвидени со Договорот од Преспа, премиерот Зоран Заев, деновиве треба да бара и од лидерот на Алијансата на Албанците, Зијадин Села.

И Алијансата на Албанците, како и Беса на Касами со предлог уставни амандмани бара промена на македонскиот Устав.

Од Алијансата меѓудругото бараат албанскиот јазик и неговото писмо да се употребуваат на целата територија на државата, а зборовите „македонскиот народ“ да се заменат со „граѓани“, за да се истакнел мултиетничкиот карактер на државата.

По излегувањето на Алијансата на Албанците од Владата, Села, но и поранешниот министер за здравство, Арбен Таравари, кој сега е градоначалник на Гостивар, многу често го критикуваат лично Заев, но и работата на Владата.

ПОВРЗАНИ ВЕСТИ

Да се тргне „македонско“ од државјанството: Што бара Касами од Заев

Предлог-амандманите поминаа на Комисија, Села и Беса бараа да се тргне „македонско“ од државјанството

Поднесени 7 амандмани на уставните измени – од независната пратеничка група, Алијансата на Албанците, Беса и Мухамед Зекири

Фото: Фејсбук/Села