Министерот за здравство Венко Филипче вчера имаше средба со семејството на Верица Белчовска, која почина како последица на сообраќајна несреќа, а нејзините родители одлучија нејзините органи да бидат донирани.
Досега Верица спаси три животи, а ќе помогне на уште дестина лица.
ПОВРЗАНИ ВЕСТИ
Филипче му ветил на семејството на Верица дека ќе помогне за нивно вработување
Филипче вети дека во име на Владата, но и во негово лично име ќе помогне околу вработувањето на членови на семејството, кое во потрага по подобар живот, пред девет месеци од беровско Русиново се преселило во Струмица, каде и се случи трагичната несреќа во која Верица го загуби животот.
ПОВРЗАНИ ВЕСТИ
Помош најавија и од Општина Берово, од каде ги повикаа и граѓаните да му помогнат на оваа хумано семејство.
И еМагазин се приклучува на овој повик. Ги повикуваме и фирмите кои се во можност да помогнат на било кој начин.
Веќе е активна сметката за донација на семејството Белчовски, на име Душана Белчовска со број МК07200003848731751 Стопанска Банка АД Скопје.
ДА СЕ РЕШИ И СТАНБЕНОТО ПРАШАЊЕ НА ФАМИЛИЈАТА
Братот на Верица, Мартин Белчовски за медиумите сподели и дека неговото семејство во Струмица живее под кирија, а тој со сопругата останал да живее во Берово.
Неговиот татко Кирил е невработен, мајка му работела во маркет, постарата сестра работи во обложувалница, а Верче работела во кафуле, сподели тој за порталот mms.mk.
Судбината на семејството и секако нивниот хуман чин со денови се топ тема на социјалните мрежи, каде освен голема благодарност за нивната одлука, граѓаните масовно бараат државата да помогне на семејството на Верче.
ПОВРЗАНИ ВЕСТИ
Читателите на еМагазин предлагаат да им се додели и социјален стан во Струмица, кој нема дилема дека го заслужуваат.
ПОВРЗАНИ ВЕСТИ
(Фото) Убава вест: Иле на кого му беше трансплантирано срце заздравува
Фото: Фејсбук/Белчовски/Филипче