Премиерот, министри, владини советници ќе се „спасат“ од плаќање повисок данок за нивните плати, бидејќи имаат примања пониски од 90.000 денари, но во Македонија постојат институции, државни и јавни претпријатија, каде директорите, претседателите, членови…, земаат поголеми плати.
Таков е на пример случајот со Регулаторната комисија за енергетика (РКЕ), која е една од ретките во земјата која јавно ги објавува платите.
Актуелниот претседателот на РКЕ, Марко Бислимоски, има месечна плата од 97.114 денари, а неговиот заменик, Куштрим Рамадани од 91.276 денари.
Податоци за директорските плати на бројните јавни и државни претпријатија тешко може да се најдат.
Од актуелната влада неодамна најавија дека во иднина работењето на овие претпријатија и институции ќе стане потранспартено, а она што е познато, е дека пред промената на власта во неколку претпријатија од типот на Водостопанство на Македонија, Македонски шуми…, како што информираа од Владата, платите се движеле и до 100 илјади денари.
ПОВРЗАНИ ВЕСТИ
Кои се тие еден процент од граѓаните кои ќе бидат опфатени со прогресивниот данок
Платата на Заев не подлежи на новиот данок, има ли министри кои ќе плаќаат повисок данок?
Анѓушев: Јас сум еден од тие кои подлежи на новиот данок
Тевдовски: Со министерска плата не можам да обезбедам моите деца да одат во приватно школо